Para conmemorar o Día do Libro, o Equipo da biblioteca e o EDLG achegamos unha fermosa actividade dirixida ao profesorado e ao persoal de administración e servizos do centro: a presentación do libro "As luces dos libros na cidade do faro", do noso compañeiro Arturo Iglesias, que estivo acompañado de María Xosé Bravo para amosarnos o Proxecto "A Coruña Literaria".
"A Coruña literaria" é un proxecto da Agrupación Cultural Alexandre Bóveda, un traballo que vai sumando xentes e vontades para poñer un foco sobre todo o que A Coruña ten feito arredor do libro e a lectura.
"As luces dos libros na cidade do faro", é unha publicación cos debuxos dalgunhas das bibliotecas públicas da cidade realizada por Arturo Iglesias, con limiar de Manuel Rivas.
Un café acompañado de boa conversa...